Mula sa mahimbing na pagkakatulog
Ako’y muling minulat ng aking amo
Inilihis sa kaniyang hintututo
Upang sumulat ng nais na liriko
Gamit ang kanyang malikhaing isipan
Ako’y kanyang ginamit sa pagsusulat
Mga salita’t ideyang di mabigkas
Ay akin namang tuwirang inilimbag
Tuloy ang agos ng aking tintang itim
Aking sinuroy ang ginagawang sipi
Napagtanto, ibig niyang iparating
Tungkol man sa aking ninunong bayani
Siya’y isang pagakpak mula sa ibon
Punong ugat niya’y tinulis sa dulo
Si Gat Jose Rizal ay ang naging amo
Ginamit upang kasarinla’y matamo
Naging instrumento sa pagpapabatid
Ng mga kasamaan ng maglulupig
Minulat ang asambayanan a daang tuwid
Nagpakawala sa kahirapang sinasapit
Nais ko ring maging siya balang araw
Maging huwaran sa mata ng kabataan
Ako’y patuloy parin na magsusulat
Ng mga ideyang di mabigkas ninuman
No comments:
Post a Comment