Sa kabila ng aking pangit na itsura
Ano nga ba ang makikita mo sa’king mukha?
Nararamdaman mo ba ang pait sa aking mata?
O ang sidhi ng galit sa aking mga salita?
Marahil walang bakas ng poot sa aking tuyong luha
Ngunit tahimik din akong nasasaktan
Ang dating ligaya na aking nadarama
Ay napalitan ng kagustuhang, ‘kaw ay mapaslang
Ginutay-gutay mo ang aking diwa
Habang napupunit ang aking bawat laman
Nalugmok ako’t di na makahinga
Pati ang pintig ng aking puso’y tila nawala
Ano pa ba ang nais mong iparanas?
Ano pa bang sakit ang dapat kong maramdaman?
Hindi pa ba sapat ang lahat-lahat?
Hindi ka pa ba natutuwa sa iyong nagawa?
OO! Marahil nag-iilusyon lang ako sa mga bagay-bagay
Marahil naging Diyos ako sa sarili kong lugar
Ngunit sino ka para sirain ang aking mga pangarap?
Pangarap na ikaw mismo ang nilalaman
Sa bawat oras na ika’y aking nakikita....
Gusto kitang talupan ng balat.....
Sabuyan ng kumukulong mantika sa mukha....
At dukutin ang dalawa mong mapanlinlang na mata..
Nais kong hugutin ang iyong mga bituka..
Tutukan ka at barilin sa may tagiliran..
Durugin ang bawat mong buto at laman
Pagapangin ka sa bubog at alab
Lahat ng sakit na aking nadama,..
Nais kong ibalik sayo ng mas malala
Lalong naguumapaw ang galit sa aking mga kamay
Huwag na huwag ka ng magpapakita sa akin kailanman..
Baka hindi ko mapagtanto... at ikaw ay aking lagutan ng hininga.
No comments:
Post a Comment